Новости БПРОиН

Рэспубліканскім органам дзяржаўнага кіравання і іншым дзяржаўным арганізацыям, падпарадкаваным ураду, мясцовым выканаўчым і распарадчым органам, іншым арганізацыям рэкамендавана правесці суботнікна добраахвотнай аснове. Ён можа праходзіць на рабочых месцах. Таксама арганізацыі могуць ажыццявіць азеляненне, добраўпарадкаванне і прывядзенне ў належны стан аб’ектаў і тэрыторый населеных пунктаў, знакавых аб’ектаў, гісторыка-культурных каштоўнасцей, мемарыяльных комплексаў, месцаў баявой і воінскай славы, пахаванняў воінаў і партызан часоў Вялікай Айчыннай вайны.

З грашовых сродкаў, заробленых ад правядзення асенняга суботніка, 50 працэнтаў пойдуць на будаўніцтва Нацыянальнага гістарычнага музея Беларусі і стварэнне яго пастаяннай экспазіцыі.Яшчэ 50 працэнтаў застануцца ў распараджэнні аблвыканкамаў (напрыклад, Гродзенскімаблвыканкамам яны будуць накіраванына добраўпарадкаванне тэрыторыі Свята-Успенскага Жыровіцкага манастыра і аграгарадка Жыровічы Слонімскага раёна як духоўнага цэнтра Беларусі для праваслаўных вернікаў).

Тыдзень бацькоўскай любові на Дзятлаўшчыне стартаваў дыялогавай пляцоўкай “З любоўю да матуляў” і адкрыццём тэматычнай выставы “Святло мацярынскай любові” ў Дзятлаўскай раённай бібліятэцы.

Удзельнікамі мерапрыемства сталі дзятлаўчане розных пакаленняў – прадстаўнікі ўлады, працоўных калектываў, грамадскіх аб’яднанняў, прафсаюза, святары.

Аб ролі жанчыны і сям’і ў беларускім грамадстве паразважала начальнік упраўлення па працы, занятасці і сацыяльнай абароне райвыканкама, старшыня раённай арганізацыі ГА “Беларускі саюз жанчын” Алена Васкель. Яна расказала прысутным аб розных відах дзяржаўнай падтрымкі для сем’яў з дзецьмі, праграме па налічэнні сямейнага капіталу. Алена Раманаўна зазначыла, што ў нашым раёне жывуць 288 шматдзетных сем’яў, дзе гадуецца каля тысячы дзяцей, 52 шматдзетныя матулі раёна адзначаны ордэнам Маці.

Знаёміць удзельнікаў дыялогавай пляцоўкі з лічбамі раённай статыстыкі прадоўжыла начальнік аддзела ЗАГС райвыканкама Кацярына Ваніслаўчык. Па яе словах, у Дзятлаўскім раёне за 9 месяцаў гэтага года нарадзілася 39 хлопчыкаў і 30 дзяўчынак, 15 сем’яў атрымалі статус шматдзетных. Сярод папулярных імёнаў – Сафія і Аляксандра, Данііл, Цімафей і Арцём. Самай маладой матулі 18 гадоў, самай дарослай – 44, самаму маладому тату – 21, даросламу – 58 гадоў. Сярэдні ўзрост уступлення ў шлюб сярод жанчын – 30, сярод мужчын – 32 гады.

Клірык сабора святых навамучанікаў і спаведнікаў Царквы Рускай ў Дзятлаве Аляксей Сцепановіч выказаў думку, што такія святы, як Дзень маці, Дзень бацькі, а таксама Тыдзень бацькоўскай любові нясуць святло людзям. Каляндарны перыяд для іх выбраны невыпадкова і прыпадае на праваслаўнае свята – Пакроў Прасвятой Багародзіцы. Маці Божая праз сына свайго Ісуса Хрыста клапоціцца праз увесь род чалавечы, людзі ж у сваю чаргу павінны маліцца Богу і шанаваць сваіх бацькоў, якія падарылі ім жыццё.  

Аб годнасці жанчыны з пункту гледжання Святога пісання паразважаў ксёндз-пробашч касцёла Унебаўзяцця Найсвяцейшай Панны Марыі ў горадзе Дзятлаве Андрэй Лішко. Ён падкрэсліў, што і мужчына, і жанчына створаны па вобразе і падабенстве Богу і як роўныя адзін аднаму. Прыгожыя прадстаўніцы чалавецтва з’яўляюцца берагінямі сям’і, прадаўжальніцамі жыцця, а таксама менавіта праз Панну Марыю ў зямны свет прыйшоў Збаўца Хрыстос, сярод жанчын нямала кананізаваных святых, шмат іх і сярод прыхаджан храмаў.

Усе спікеры ў час выступленняў павіншавалі прысутных і жыхароў раёна з надыходзячымі святамі, пажадалі ладу ў сем’ях, дабрабыту, цёплых стасункаў, радасці і дабра.