Новости БПРОиН

Жнівень заўжды прыспешвае навучэнцаў і іх бацькоў да падрыхтоўкі да новага навучальнага года. Для хлопчыкаў і дзяўчынак паходы па магазінах – прыемны момант, бо можна выбраць прыгожыя абноўкі, фарбы, фламастары, сшыткі. Старшакласнікі больш узважана падыходзяць да пакупак, аднак і ім падрыхтоўка прыносіць нямала пазітыву.

У нашым раёне асноўны гандлёвы аператар – Дзятлаўскі філіял Гродзенскага аблспажыўтаварыства, сетка магазінаў якога знаходзіцца як у райцэнтры, так і гарадскіх пасёлках, аграгарадках, таму агляд па секцыях са школьнымі таварамі для чытачоў раёнкі правяла начальнік рознічна-гандлёвага ўчастка філіяла Наталля Загдай.

З Наталляй Віктараўнай мы сустрэліся на першым паверсе магазіна “Родны Кут”, што на плошчы 17 Верасня райцэнтра, бо менавіта тут ёсць магчымасць набыць канцылярскія тавары, затым накіраваліся ў магазін “Mark Formelle”, дзе знаходзяцца секцыі са школьнай і спартыўнай формай, у розніцу прадаюцца штаны, блузкі, футболкі, можна выбраць шкарпэткі, гольфы, калготкі.

– У нашым філіяле арганізавана сем школьных куткоў, – расказала Наталля Загдай. – Яны знаходзяцца ў Дзятлаве ва ўніверсаме “Родны Кут”, у Наваельні ў магазіне “Пралеска”, у Казлоўшчыне ў магазіне “Дамавічок”, а таксама ў аграгарадках Жукоўшчына, Раклевічы, Хвінявічы, Круцілавічы. Там у шырокім асартыменце прадстаўлены канцылярскія рэчы: сшыткі, ручкі, алоўкі, фламастары, фарбы, альбомы для малявання і чарчэння, вокладкі для кніг і сшыткаў – усё, што дзіцяці спатрэбіцца да школы. У аўтамагазінах ёсць кнігі папярэдніх заявак, таму і вяскоўцы маюць магчымасць заказаць усё неабходнае – ім прывязуць. Што тычыцца адзення, то ў гарпасёлках можна набыць спартыўныя камплекты, а па форму дзелавога стылю варта прыязджаць у райцэнтр у магазін “Mark Formelle”. Тут прадстаўлены вырабы айчыннага вытворцы. Адзенне ўсё натуральнае, захаваны санітарныя патрабаванні: яно зручнае, гіграскапічнае, прыемнае для цела і бяспечнае для здароўя.

Што тычыцца рукзакоў і школьных сумак, то іх можна знайсці на другім паверсе ўніверсама “Родны Кут” райцэнтра.

Мяркую, бацькам важна ведаць, што з 21 жніўня па першыя дні верасня ў нас будзе праходзіць акцыя “Школьны бум” са скідкамі 10 % на канцылярскія рэчы, таксама за час школьных кірмашоў прадугледжаны адна-дзве акцыі са скідкамі на ўсе віды тавараў для навучэнцаў.    

– У нас багаты асартымент вырабаў беларускай фірмы “Mark Formelle”, – прадоўжыла тэму прадавец аднайменнага магазіна Ларыса Санцэвіч. – Новае паступленне адзення школьнай калекцыі чакаем на днях, асартымент папаўняецца рэгулярна. Дзятлаўчане ўжо ўключыліся ў падрыхтоўку дзяцей да школы. Пакуль часцей набываюць тавары для малодшых школьнікаў, чакаем паступленне блузак, тады пакупнікам лягчэй будзе сабраць школьны вобраз поўнасцю. Звычайна блузкі ў нас каштуюць ад 20 да 40 рублёў, штаны крыху даражэй – ад 35 рублёў і больш. Гэтымі днямі попытам карыстаюцца спартыўныя штаны і мастаркі, шкарпэткі, футболкі. Заклікаем пакупнікоў і надалей прыходзіць у наш магазін, з пустымі рукамі яны яго не пакінуць.   

Проста лічбы

Спецыялісты філіяла падлічылі арыенціровачны кошт набораў для школьнікаў. Так, камплект адзення для навучэнцаў 1-4 класаў, калі гэта хлопчык, будзе каштаваць 203-320 рублёў, для дзяўчынкі – 243-385 рублёў. З узростам дзіцяці цана крыху павышаецца: бацькам вучняў 5-9 класаў, калі гэта хлопчык, давядзецца прыкладна патраціць на форму 263-490 рублёў, для дзяўчынкі – 308-580 рублёў. Самыя дарагія камплекты ў вучняў 10-11 класаў: для хлопчыкаў яны каштуюць 280-505 рублёў, для дзяўчынак 320-620 рублёў. Што тычыцца набораў пісьмовых і канцылярскіх рэчаў, то прыкладны цэнавы дыяпазон для пачатковых класаў – гэта 67-106 рублёў, для 5-11 – 88-134 рублі.

Апошняя дэкада ліпеня – час, калі бацькам школьнікаў варта задумацца аб падрыхтоўцы дзяцей да новага навучальнага года: прыцаніцца, саставіць спіс рэчаў, магчыма, зрабіць першыя пакупкі.

– Дзеці ідуць у школу. Самае галоўнае маё патрабаванне – яны павінны быць аднолькава добра апранутыя, хто танней, хто даражэй, але прыстойна, мець аднолькавыя падручнікі і гэтак далей, – неаднаразова адзначаў Прэзідэнт Аляксандр Лукашэнка.

На што варта звяртаць увагу бацькам школьнікаў Дзятлаўшчыны, расказала начальнік аддзела адукацыі райвыканкама Марына Лашкоўская:

– Патрабаванне прытрымлівацца дзелавога стылю ў адзенні для школьнікаў раёна не новае, над гэтым мы працавалі летась, а з 1 верасня гэтага года яно афіцыйна замацавана заканадаўствам – у новай рэдакцыі Кодэкса аб адукацыі. Установы адукацыі нашага раёна, як правіла, выбіраюць колеравую гаму, якая будзе ў прыярытэце. Пераважна гэта чорны, белы, бардовы, блакітны колеры. Для хлопчыкаў – дзелавы касцюм, для дзяўчынак школьны гардэроб можа складацца не толькі з касцюма, але і ўключаць сукенку, сарафан, блузку са спадніцай, для ўсіх вучняў у класе можна выкарыстоўваць камізэлькі адзінага колеру і фасону. Нашы школы яшчэ раней распрацавалі свае індывідуальныя эмблемы, якія сустракаюцца на значках, гальштуках.

Выбіраць школьную форму – права бацькоў, галоўнае, каб яна адпавядала правілам дзелавога стылю. Разам з тым, установы адукацыі раёна паэтапна ідуць да аднастайных элементаў дзелавога школьнага касцюма: аднолькавыя камізэлькі, гальштукі, іншае. Падобныя рашэнні шляхам галасавання прымаюцца на саветах школы, абмяркоўваюцца яны і на бацькоўскіх сходах, у класных групах у сацыяльных сетках. Найчасцей пытанняў ад бацькоў не паступае, бо педагогамі вядзецца шырокая тлумачальная работа.

Як прыклад падобных рашэнняў магу прывесці пажаданыя колеравыя гамы для розных установаў адукацыі нашага раёна. У сярэдняй школе № 3 горада Дзятлава імя І. Ю. Філідовіча колерамі ўстановы з’яўляюцца чорны і белы, у гімназіі № 1 – белы і сіні, навучэнцаў Казлоўшчынскай сярэдняй школы можна адрозніць па сініх камізэльках, а Круцілавіцкай і Вензавецкай – па бардовых.

Аднак і пры адсутнасці ў вобразе падобных элементаў ніхто з педагогаў не зробіць заўвагу дзіцяці, калі яно будзе чыста і прыстойна апранута ў любую з мадэляў касцюма дзелавога стылю. Варта адзначыць, што беларуская лёгкая прамысловасць вельмі актыўна працуе ў гэтым кірунку, калекцыя айчыннага школьнага адзення штогод папаўняецца, праходзяць выставы-кірмашы з запрашэннем прадстаўнікоў аддзелаў адукацыі з розных куткоў нашай краіны. Шырокі выбар мадэляў дзіцячага адзення як дзелавога, так і спартыўнага, сумак, партфеляў, канцылярскіх рэчаў можна знайсці на традыцыйных жнівеньскіх школьных кірмашах і ў спецыялізаваных секцыях магазінаў.

У красавіку гэтага года на Гродзеншчыне быў дадзены старт абласному праекту “Чырвоная зорка героя”, які аб’яднаў абласную арганізацыю РГА “Белая Русь”, галоўнае ўпраўленне адукацыі аблвыканкама, школы і гімназіі Прынёмання, людзей, нераўнадушных да подзвігу герояў Вялікай Айчыннай вайны.

Праект скіраваны на ўвекавечанне памяці абаронцаў Радзімы і ахвяраў ваеннага ліхалецця, уключае ў сябе догляд воінскіх пахаванняў, мерапрыемствы па пошуку магіл ветэранаў, зборы іх біяграфічных звестак, устаноўцы сімвалаў – чырвоных зорак з крышталю. Гэты знак увасабляе гераізм і мужнасць загінулых у гады вайны салдат, служыць напамінам аб важнасці захавання гістарычнай памяці.

У рамках праекта майстрамі ААТ “Шклозавод “Нёман” былі выраблены і перададзены ў раёны Гродзеншчыны 80 крыштальных зорак. “Чырвоная зорка героя” – частка маштабнага пошукава-даследчага праекта школьнікаў “Ад вытокаў да будучыні”, вынікі якога будуць падведзены восенню.

Удзел ва ўрачыстай цырымоніі ўшанавання прымалі начальнік аддзела адукацыі райвыканкама Марына Лашкоўская, першы сакратар раённага камітэта ГА “БРСМ” Кацярына Хілімончык, галоўны спецыяліст аддзела ідэалагічнай работы і па справах моладзі райвыканкама Марына Абрамчык, старшыня Новаяльнянскага сельвыканкама Людміла Радзевіч, дырэктар Новаяльнянскай сярэдняй школы імя А. А. Шаўчук Алена Круглова, настаяцель царквы Нараджэння Прасвятой Багародзіцы гарадскога пасёлка Наваельня протаіерэй Валерый Мануйла, педагогі, навучэнцы, жыхары.

В большинстве университетах страны завтра будет жарко, ведь 17 июля — последний день приема документов. Комиссии будут работать в режиме цейтнота, а родители и абитуриенты — в напряжении мониторить развитие событий. Не все знают, что процедура оформления, как и любая другая, связанная со вступительной кампанией, строго регламентирована: никаких нарушений и произвольных решений допускать нельзя.

В сельскохозяйственные университеты и вузы силового блока можно подать документы по 19 июля. Комиссии готовы принимать ребят с 09:00 до 18:00 без перерыва на обед и выходных. С 18 июля начнутся вступительные испытания у поступающих на творческие специальности, направления в области физической культуры и спорта, а также у выпускников колледжей, претендующих на сокращенную форму получения образования. Все бюджетники будут зачислены в вузы по 27 июля. Документы от абитуриентов, выбравших платное обучение, ждут по 1 августа. Попали ли они в ряды студентов, станет известно по 3 августа.